Uppeldi til ábyrgðar
Leikskólinn hefur hafið innleiðingu uppbyggingarstefnunnar Uppeldi til ábyrgðar í skólastarfinu. Höfundur stefnunnar er Diane Gossen en hún segir:
" Haltu því sem þú kannt, bættu við nýrri þekkingu "
Uppbyggingarstefnan er aðferð til að ýta undir jákvæð samskipti. Hún byggir á að ná samstöðu um lífsgildi og fylgja þeim eftir með fáum skýrum reglum. Uppbyggingarstefnan miðar að því að kenna börnum og unglingum sjálfstjórn og sjálfsaga. Að læra af eigin orðum og gerðum og læra af mistökum í samskipti.
|
Já en.................
Í stað þess að segja nei er æskilegt að segja Já en ..........eða já ef.................
Betra er að svara játandi og bæta skilyrði við. Það er jákvæðara þót merkingin sé oft sú sama.
Dæmi: Má ég fá nammi ? Já, á laugardaginn þega nammidagurinn er.
Dæmi: Má ég fara út ? Já, þegar þú ert búinn að læra / taka til dótið þitt. |
|
|
Fimm vonlaus viðbrögð
- afsakanir
- ásakanir
- skammair
- tuð
- uppgjöf
Allir gera mistök og uppbyggingarstefnan segir okkur að það sé í lagi. Það sem skiptir mestu máli er að við lærum af mistökunum og bætum fyrir þau.
Þegar börnum verður á í messunni, eins og kemur fyrir á bestu bæjum, er mikilvægt að hinir fullorðnu bregðist rétt við. Það hefur lítinn tilgang að fara að skammast og rífast.
Það sem ber helst að forðast eru vonlausu viðbrögðin fimm: afsakanir, ásakanir, skammir ,tuð og uppgjöf. Það sem skiptir máli er hvað barnið ætlar að gera næst og hvernig er hægt að leysa málið.
Með öðrum orðum - við horfum fram á við og einbeitum okkur að lausninni, enni að vandamálinu. Í lausninni er fólginn sá lærdómur sem við drögum. |
|
|
Skýr mörk
Uppbyggingarstefnan gengur út á að einstaklingurinn læri að fá þörfum sínum fullnægt án þess að ganga yfir þarfir annarra - það er ekki í boði. Til að stuðla að öryggi og vellíðan allra í leikskólanum þurfa að vera skýr mörk um hvað má og hvað má alls ekki gera - yfir þau mörk má ekki fara og ef það er gert hefur það afleiðingar í för með sér ( rætt um málsatvik, tekin út úr hóp tímabundið, missir af einhverju.....).
Þessi mörk eru:
- ekkert ofbeldi ( slagsmál, meiða aðra )
- ekki skemma eða taka það sem maður á ekki
- ekki trufla skólastarfið eða aðra sem eru að vinna
- ekki mismuna öðrum vegna t.d. uppruna, litarháttar, fötlunar
|
|