Starfsmenn

Öll höfum við eitthvað sérstakt fram að færa

Nokkrir krakkar voru að leika í hlutverkakrók á Holti. Mikið drasl var og stungið upp á því að þau tækju til og vöskuðu upp. Allir fengu stykki til að þurrka með í uppvaskinu og þegar ein stelpan var beðin að lána sitt stykki aðeins dæsti hún og sagði: - Það er ekki hægt, það er alveg skíthreint !

2. júlí 2010

Írskir dagar á Akranesi

Leikskólabörn tóku þátt í að setja Írska daga á Akranesi. Börn frá öllum leikskólunum á Akranesi komu saman upp á Safnasvæði þar sem þau mynduðu írska fánann með því að vera í bolum í fánalitunum. Guðmundur Páll setti hátíðina og Ingó úr Veðurguðunum kom og söng með börnunum nokkur lög. Augljóst var að hann er mjög vinsæll meðal barnanna og þau áttu ekki í vandræðum með að taka undir sönginn. Á eftir fengu allir safa og kleinur. Hægt er að sjá myndirnar í myndasafninu.