11. júní 2010

Gaman á sundnámskeiði

Þessa vikuna hafa glaðir krakkar á Víkinni skundað í Jaðarsbakkalaug á sundnámskeið hjá Röggu Run en námskeiðið er hluti af hreyfingunni í Garðaseli. Veðrið er búið að leika við okkur þessa daga og börnin hafa svo sannarlega haft gagn og gaman af sundinu og margir sigrar unnist, stórir og smáir. Orðatiltækið að taka í nefið öðlaðist nýja merkingu því margir krakkana héldu grimmt í nefið þegar farið var í kaf en voru farin að þora að sleppa því í lokin. Eins og sést á myndunum var bara dásamlegt að fá að vera í lauginni í þessu góða veðri, læra að vera í vatninu og láta Röggu kenna sér sporð, beygja-kreppa- sundur- saman, gera spjót og stinga sér og margt margt fleira.