Útskrift elstu barna

Í gær var útskriftarháíð elstu barnanna í leikskólanum og var það sannkölluð hátíðarstund fyrir alla. Börn og starfsfólk buðu foreldrum til góðrar skemmtidagskrár sem fram fór í sal Grundaskóla. Leikrit, samsöngur og einsöngur, dans og bjöllukór gerðu mikla lukku og óhætt að segja að börnin hafi svo sannarlega sýnt hvað í þeim býr. Frábær hópur sem þar er á ferð. Hvert barn fékk síðan afhenta útskriftarbók með verkum frá upphafi leikskólagöngu og til loka hennar og einnig fylgdi bókinni myndadiskur með myndum frá leikskólagöngunni og sér mappa frá ferðinni í Skorradalinn. Að lokinni dagskrá í Grundaskóla var haldið í Garðasel og þar beið allra glæsilegt veisluborð í boði foreldranna. Leikskólinn færir foreldrum og börnum kærar þakkir fyrir einstaklega vel heppnaðan dag. Myndir.