Stig af stigi
Stig af stigi er kennsluefni fyrir 4 - 10 ára börn. Námsefninu er skipt upp í þrjá hluta og er sá fyrsti ætlaður tveimur elstu árgöngunum í leikskóla og fyrsta bekk í grunnskóla. Á þessum árum standa börnin frammi fyrir mörgum vanda. Þau kynnast margs konar nýju umhverfi, nýjum félögum og öðrum fullorðnum en foreldrunum.
Leiðir til að byggja upp jákvæða sjálsmynd barna eru margar, s.s. með því að hrósa og hvetja, með jákvæðri umfjöllun um verk barnanna og með því að stuðla að vináttusamböndum og tengslamyndun. Í Stig af stig er markmiðið að efla félags- og tilfinningaþroska barna og þau læri að sýna viðurkennda hegðun og að setja orð á tilfinningar sínar.
|
Unnið er með þrjú meginsvið sem eru:
-Innlifun er að geta þekkt eigin tilfinningar og annarra og geta horft á hlutina frá sjónarhorni viðmælandans
-Leysa úr vanda. Flest börn geta lært að taka rólega afstöðu til valkosta þegar þau lenda í erfiðri aðstöðu eða vanda. Að hafa stjórn á hvötum sínum þýðir að nota leiðir til úrvinnslu ágreinings. Að læra að leysa úr vanda og hafa hemil á sínum fyrstu viðbrögðum er mikilvægur þáttur í þjálfuninni. Þetta getur verið erfitt í byrjun og þess vegna er mikilvægt að æfa sig bæði heima og í skólanum.
-Sjálfsstjórn. Í flestum fjölskyldum eru deilur og reiði þættir í hversdagslegum samskiptum. Það sem er mikilvægt er hvernig menn takast á við reiðina og ósættið. Ósætti er ekki í sjálfu sér rangt. Leiðbeiningar um hvernig hægt er að takast á við ósætti geta hjálpað öllum til að átta sig á, skilja og hafa stjórn á ósætti og reiði. |
Börn læra hegðun með því að herma eftir, æfa og styrkja færni sína.
Kjarninn í Stig af stigi eru myndaspjöld þar sem unnið er skipulega með tilfinningagreind og byggir hvert spjald á því næsta á undan.
Tvær handbrúður eru notaðar í kennslunni. Það eru "Hvutti hvatvísi" og "Snigill staðfasti".
Með Stig af stigi læra börn að taka eftir merkjum líkamans sem gefa til kynna reiði. Fremur en að reyna að finna ástæðu reiðinnar ættum við frekar að kenna börnum að róa sig niður.
Höfundur Stig af stigi er Kathy Beland, Þórir Jónsson hefur þýtt efnið fyrir Reyni-ráðgjafastofuna.