Gullkorn á Lóni

Lítill strákur á Lóni kom til starfsmanns og tilkynnti honum að hann væri með höfuðverk í fótunum.

Ein stelpan á Lóni var að fara í þriggja og hálfsárs skoðun seinna um daginn, hún kom stolt og tilkynnti einum starfsmanninum  það að hún væri að fara í þriggja í Hálsaskógi á eftir.

Starfsmaður og nokkur börn voru á spjalli við matarborðið allt í einu rennur einn strákurinn af stólnum og undir borð, starfsmaður segir "hann bara gufaði upp" þá heyrist í einu barninu "nei hann gufaði niður"

Nokkur börn sátu við borð og voru að púsla. Einn strákurinn sat á hnjánum og vinur hans leit á hann og sagði: "Ekki sitja á enninu!" (Meinti á hnjánum).

Starfsmaður hafði svæft börnin eftir hádegismatinn, farið svo í útiveru og í kaffi. Þegar starfsmaðurinn kemur aftur inn á deild segir ein stelpan sem hann svæfði, mjög undrandi: "HVAÐ ERTU VÖKNUÐ".

Barn greip um hálsinn á sér og sagði: "Ég er komin með orðabólgu". (Meinti hálsbólgu).

Samtal tveggja stráka.

"Pabbi minn er rafvirki". Þá svarar hinn. "Hann Eyjólfur er trévirki, hann er að byggja hús!".

Börn voru að leika sér í kubbum.

Ein stelpan byrjar að syngja hástöfum. "Ég er að gubba (meinti kubba), ég er að gubba", við lagið "Meistari Jakob". Þá heyrist  hátt í einum stráknum: "NEI! ÉG VAR AÐ GUBBA Í GÆR".

Börnin á Lóni eru að læra heitin á formunum.

Starfsmaður spyr eitt barnið: "Hvaða heitir þetta form"? (Bendir á hring). Barnið svarar: "Hringur". 

Starfsmaður spyr: "En hvaða form er þetta"? (Bendir á ferhyrning). Barnið svarar: "Ferhyrningur".

Starfsmaður spyr að lokum: "En hvað heitir þetta form"? (Bendir á þríhyrning). Barnið svarar: "Vitleysingur"!