þorravinnan hjá okkur Holturum er komin á fullt. Þema í janúar og febrúar verður gamli tíminn. Allir hóparnir eru búnir að fara í heimsókn á byggðasafnið að Görðum að skoða gamla dótið.  Börnin hafa verið að koma með gamla muni og dót að heiman sem verður haft til sýnis út Þorrann. Við höfum aðeins breytt valinu hjá okkur, tekið út alla plastkubba og sett inn trékubba, dýr, bein og skeljar og á föndurborðið höfum við sett inn vefi, ull og fleira sem tengist gamla tímanum. Í söngstundum syngjum við Þorralög og aðra gamla texta eins og t.d Fyrr var oft í koti kátt. Í hópastarfi munum við flétta alla námsþættina inn í þemað. Á miðvikudaginn verður svo þorrablót hjá okkur og þá væri gaman ef allir kæmu klæddir í lopapeysur.

Gleðilegt nýtt ár og takk fyrir samveruna á síðastliðnu hausti.  

Í janúar og febrúar ætlum við að gera margt skemmtileg og fræðandi. Við ætlum að taka þorrann fyrir og fræðast aðeins um lífið eins og það var í gamla daga. Við munum í tengslum við þetta heimsækja Byggðasafnið og skoða hluta af því.

Við ætlum líka að bjóða ykkur í smá morgunkaffi á bónda- og konudeginum.

Annars má sjá nýja námsáætlun fyrir janúar og febrúar hér.

Kæru foreldrar og börn

Óskum ykkur gleðilegra jóla og farsældar á nýju ári. Takk fyrir samveruna á árinu sem er að líða. Njótiði samverunnar um jól og áramót.